Қазақстандық Есмигүл Куюлова (63 келі) дзюдодан әлем чемпионатында жарысты ерте аяқтады.
Қазақстандық балуан алдымен қырғызстандық Адина Кочконбаеваны ескерту саны бойынша жеңіп, екінші айналымда Кабо-Верде өкілі Сандрин Биллиенің осал тұсын тапты.
Екінші белдесуінде төрешілер оны алдымен рұқсат етілмеген әдіс жасады деп жарыс жолынан шығарған еді. Дегенмен төрешілер күрес сәтін қайта қарап, Эсмигүлге мүмкіндік берді.
Ширек финалға жолдама беретін белдесуде ол польшалық Анжелика Жыманскаға есе жіберді.
Үшінші жарыс күнінде сайысқа түсуі жоспарланған Абылайхан Жұбаназар (81 келі) денсаулығына байланысты әлем біріншілігіне қатысқан жоқ.
Фото: OLYMPIC.KZ