Үкімет қазақстандықтардың жалақысын көтеріп несие қамытынан құтқарудың жаңа жолдарын бекітті. Бұл қадамдар халықтың нақты табысын кем дегенде 2-3 пайызға арттыруды көздейді, деп хабарлайды ohttps://ozgeris.info/zgeris.info сайты.
Бүгін маңызды жиында Үкімет басшысының орынбасары әрі Ұлттық экономика министрі Серік Жұманғарин осы мақсатта атқарылып жатқан шаруаларды тізбектеп берді. Басты назар тұтынушылық несиелердің шамадан тыс көбейіп кетуіне аударылып отыр. Енді жұртшылықтың қарыз жүктемесін барынша азайту шаралары қабылданады.
Жалдамалы жұмысшылар мен азаматтық қызметшілердің табысы молаяды. Ең төменгі жалақы мөлшерін қайта қарау жоспарланған. Бұл ретте жұмыс берушілердің қарсы міндеттемелерді орындауы қатаң бақыланады. Сапалы жаңа жұмыс орындарын ашып кәсіпкерлікті ынталандыру ісі қатар жүреді.
Биыл табысты көбейтуге арналған жеке бағдарлама қабылданды. Одан бөлек 2026-2028 жылдарға арналған макроэкономикалық тұрақтандыру жобасы іске қосылды. Бұл ауқымды жұмысты Министрлер кабинеті Ұлттық банк және Қаржы нарығын реттеу агенттігімен тізе қосып атқаруда.
Аталған маңызды қадамдар Президенттің экономикалық өсудің жаңа моделіне көшу тапсырмасы аясында іске асып жатыр. Түпкі мұрат қарапайым елдің әл-ауқатын жақсарту. Экономиканың тұрақты дамуы мен инфляцияның төмендеуі де тұрғындардың қалтасына оң әсерін тигізбек. Осылайша мемлекеттің бәсекеге қабілеттілігі арта түседі.
