Көкшетауда Париждегі жазғы Паралимпиада ойындарынан оралған ақмолалық спортшыларды құттықтауға арналған салтанатты шара өтті, деп хабарлайды «Халық дауысы» облыс әкімдігінің баспасөз қызметіне сілтеме жасай отырып, деп хабарлайды Ozgeris.info.
Париждегі 2024 жылғы Паралимпиаданың екі дүркін чемпионы Давид Дегтяревке үш бөлмелі пәтерге сертификат пен 25 млн теңге көлеміндегі ақшалай сыйақы табысталды. Күміс медаль иегері Еркін Ғаббасов та екі бөлмелі пәтерге сертификат пен 20 млн теңге көлемінде ақшалай сыйақы алды.
Сондай-ақ, жаттықтырушылар Юрий Колесников пен Мүслім Сәрсембеков ақшалай сертификат алды.
Ақмола облысының әкімі жиналғандар алдында сөйлеген сөзінде жазғы спорт түрлері бойынша биылғы Паралимпиада ойындарына қатысу облысымыз үшін тарихи болғанын атап өтті.
«Сіздердің жеңістеріңіз ерлік пен шексіз адами мүмкіндіктердің көрінісі болып табылады. Сіздердің жетістіктеріңіз — тұрақты еңбектің, үздіксіз ерік-жігердің және өмірлік сын-қатерлер алдында қалыс қалмау қабілетінің нәтижесі.
Мемлекет осы маңызды салаға жан-жақты қолдау көрсетуде. Президент Қасым-Жомарт Тоқаев Олимпиада ойындарына қатысушылармен кездесуде спорт саласындағы негізгі міндеттер мен басымдықтарды тұжырымдады. Болашақта біз алға қойған мақсаттарға жету үшін еңбек етеміз. Қазақстандық спорттың болашағы әрқайсыңызға байланысты», — деп атап өтті Марат Ахметжанов.
Спортшылар қолдау көрсеткені үшін алғыс айтып, жоғары жетістіктерге жетуге уәде берді
Парапауэрлифтинг бойынша Париждегі 2024 жылғы Паралимпиада ойындарының жеңімпазы 54 килограммға дейінгі салмақ дәрежесінде Давид Дегтярев атанды. Президент Қасым-Жомарт Тоқаев Паралимпиада ойындарының екі дүркін чемпионы Давид Дегтяревті құттықтады
Еркін Ғаббасов 10 метр қашықтықтан пневматикалық винтовкадан оқ ату жарысының финалында күміс медаль жеңіп алды. Цифрлық даму министрі Жаслан Мәдиев Еркинді құттықтап, оған алғыс хат, «Үздік цифрландырушы» медалін және ипотеканы жабу үшін 7 млн теңгенің сертификатын табыс етті.