Қазақстандық танымал актер Әбілмансұр Серіков жақсы жаңалығын жария етіп, жанкүйерлерін қуантты. Өнер иесі алдағы уақытта өзінің алғашқы фильмін түсіруге ниетті екенін айтты, деп жазады NUR.KZ.
Әбілмансұр Серіков өнердегі әріптестерінен қалыспай, жақында өзі де кино түсірмек екенін айтты. Актер тырнақалды туындысына кімдерді түсіретінін де бөлісті. Басты рөл өнер иесінің әкесі Әбунасыр Серіковте болмақ.
«Көптеген кинолар түсіріліп жатыр. Блогерлер де, актерлер де түсіріп жатыр. Бізде солардың қатарынан қалмайық деп отырмыз. 35-ке де келіп қалыппыз. Құдай қаласа қатардан қалмай, біз де бір нәрсе бастауымыз керек болып тұр. Жұрттың көңілінен, ойынан шығатын, эмоция шығаратын, кішігірім тақырыптарды көтеретін дүние жасау жоспарда бар. Фильмде Әбунасыр Серіков, Қобыланды Болат, Олжас Абай, Шерхан Пірназар, көптеген замандасым болады. Жақсы касса жинаймын деп ойлаймын»,-деді ол Revue News бағдарламасында.
Посмотреть эту публикацию в Instagram