Павлодарда адам өліміне әкелген жол апаты болды: автобус трамвай бағанасымен соқтығысып, жүргізуші қаза тапты. Оқиға кезінде автобуста жолаушылар болмаған.
Алдын ала болжам бойынша, жүргізуші жүрек талмасына ұшыраған.
«Автобус жүргізушісі тізгінге ие бола алмай, трамвай бағанасына соқтығысты. Автобус жүргізушісі жедел жәрдем көлігінде қайтыс болды. Қазір мән-жай анықталып, сараптама тағайындалды», — деп хабарлады Павлодар облысының полиция департаментінен.