Жуырда ғана Алматының әкімі болып тағайындалған Ерболат Досаевтың қымбат күртешесі әлеуметтік желіде талқыланып жатыр деп хабарлады «ozgeris.info» «turkystan.kz»-ке сілтеме жасап.
Көпшіліктің айтуынша, әкімнің кәсіпкер Бейбіт Әлібековпен кездесуінде киген «Loro Piana» фирмасының жүннен тоқылған күртешесі «Цум» сауда үйінде 2 248 804 теңге тұрады екен. Киімнің бағасын көрген көпшілік әкімді сынға алды.
«Ол миллионер, оған жарасады», «Қалайша айлықтан айлыққа күн көріп жатырмыз деп айтады?», «Менің бір жылдық жалақымнан көп қой», «Біреудің ақшасын санамаңдар» деп пікірлер жазды әлеумет.
«ozgeris.info»