Танымал тележүргізуші Дина Төлепберген әлеуметтік желіде негатив жазатындарға жауап берді, деп хабарлады turkystan.kz.
Тележүргізуші сын айтушыларды елемейтінін және арманына жету үшін барын салатынын айтты.
«Маған «Дина қудың» деп пікір жазатындар көп. Бірақ мені білетіндер біледі – мен өзімнің жолымды таңдап, биікке ұмтылып келемін. Қазақ қыздарының шыңдалуы үшін күресіп жүрген жанмын. Осы жолда сынақтар да, сын айтушылар да жетерлік. Бірақ мен ешқашан тоқтамаймын. Өмір – сыншыларға емес, арман қуғандарға тиесілі. Арманды қусақ – шынайы бақытқа жетеміз. Бір-бірімізге тосқауыл емес, тірек болсақ – нағыз күшке айналамыз. Міне, сіздерге осы жігер мен рухты сезіндіретін жаңа трек! Тыңдаңыз, өзіңізге сақтаңыз, жақын адамыңызға жіберіңіз. Армандаудан ұялмаңыз! Ал сіз өміріңіздің басты мақсаты қандай екенін нақты білесіз бе?», — деп жазды Дина Төлепберген әлеуметтік желідегі парақшасында.