Америкалық Cole Haan компаниясы бақбақ гүлінен жасалған табаны бар спорттық аяқ киімдерді таныстырды. «Generation Zerogrand II» деп аталатын модельді 130 долларға сатып алуға болады, деп хабарлайды «ozgeris.info»
Гүлдің тамырын термиялық өңдеудің әсерінен табиғи латекс бөлініп алынды. Оны EВA полимерімен араластырады. Нәтижесінде, аяқ киімнің табанын жасауға жарамды материал пайда болды.
Бұл өндіріс технологиясы тек биологиялық қалдықтарды қалдыруға мүмкіндік береді, деді Коул Хан президенті Дэвид Мэддокс. Осылайша, бақбақ гүлі каучук резеңкеге экологиялық таза алмастырғыш материал бола алады. Бұл табиғатқа да пайдасын тигізеді. Өйткені, резеңке плантациялары ормандарды отаудың негізгі себептерінің бірі болып саналады. Өнеркәсіптің табиғатқа теріс әсерін жеңу үшін брендтік компаниялар жаңа технологияларды зерттейді.
Мысалы, Nike мен adidas жаңа кроссовкаларды шығару үшін ескі модельдердің қайта өңделген материалдарын пайдалана бастады. Олар ұсақталып, жаңа аяқ киім жасауға жіберіледі. Коул Ханның инновациясы тұрақты даму бағдарламаларындағы тағы бір маңызды қадам болуы мүмкін.
— Бақбақтардың артықшылығы — олар тез және көп мөлшерде өсетін жаңартылатын ресурс болып табылады. Олар басқа өсімдіктерді өсіре алмайтын жерлерде де өседі. Оларды өсіру үшін үлкен тоғайларды кесудің қажеті жоқ, — деді Мэддокс.
«ozgeris.info»