Қазақстанда жаңа жеңілдетілген автокредит бағдарламасының енгізілу мүмкіндігіне Министрлер кабинетінің отырысында ҚР Индустрия және инфрақұрылымдық даму министрі Қанат Шарлапаев пікір білдірді, деп хабарлайды ozgeris.info.
Министрдің айтуынша, жеңілдетілген кредитке барлығы риза бола бермейді, себебі елде көлік алғысы келетіндер саны көп, бірақ бағдарламаға бөлінген қаржы шектеулі.
«Бұл мәселеде халықтың толық қанағаттануы қиын, себебі адамдар көп, ал қаражат аз. Сондықтан, автосалондар өздері де бөліп төлеу сияқты қаржылық құралдарды қолданысқа енгізуде»,-деді Шарлапаев.
Министр, сонымен қатар, жеңілдетілген кредит қаржысын қоғамдық көлікті жаңартуға бағыттауды дұрыс шешім деп санайтынын айтты. Оның пікірінше, мемлекеттің басты міндеті-кең ауқымды азаматтардың қажеттіліктерін қанағаттандыратын қоғамдық көліктің сапасын жақсарту.