Ұлттық банк басшысы 10 жыл бойы пәтер жалдап тұрғанын айтты

Ұлттық банк төрағасы Тимур Сүлейменов үй алу үшін ипотеканың бастапқы жарнасын 10 жыл бойы жинағанын айтты, деп хабарлайды Ozgeris.Info. Ол "Алғашқы жарнасыз ипотека" петициясына қатысты пікір білдірді. Петиция авторлары, ипотека бойынша бастапқы жарнаны алып тастауды талап еткен. Өйткені кей қазақстандықтар бастапқы жарнаның жоқтығынан жеңілдетілген ипотекалық бағдарламаларға да қатыса алмайды және оларға қаражат жинау қиын. Сүлейменов алғашқы жарна көпжылдық міндеттемелерді өз мойнына алуға дайын азаматқа жүктелетін міндет екенін айтты. Сондай-ақ ол үй сатып алудағы жеке тәжірибесін бөлісті.

"Мен де жас кезімде 10 жыл бойы пәтер жалдап, ипотеканың бастапқы жарнасына ақша жинадым”, – деді Сүлейменов.

Сүлейменов ипотека нарығын қатаң түрде реттеу мүмкін емес екенін жеткізді. Оның сөзінше, себебі бұл тұрғын үй несиелерінің толық жойылып кетуіне әкелуі мүмкін.