Су тасқынын болжайтын Tasqyn жүйесі іске қосылды

Су ресурстары және ирригация министрі Нұржан Нұржігітов елімізде Tasqyn су тасқынын болжау және модельдеу жүйесі өндірістік қолданысқа берілгенін мәлімдеді. Бұл туралы Ozgeris.info сайты хабарлайды.

«Бүгінде өзендердің 128 учаскесіндегі 142 су бекеті бойынша тасқынын модельдеу жүргізіледі», - делінген Су ресурстары және ирригация министрлігінің хабарламасында.

Tasqyn жүйесі жаһандық GloFAS су тасқыны жөнінде ескерту жүйесіне біріктірілген. Көктемгі су тасқынын бір апта бұрын болжауға мүмкіндік беретін жүйенің алғашқы қорытындысы наурыз айының басында шығады.