"Шегіртке сияқты секіргенше, жұмыс істеңдер": Желіге бейнеролик жүктеген Алматы қаласының ПД елден сөз естіді (ВИДЕО)

07.11.2024

271

Алматы қаласының Полиция департаменті әлеуметтік желідегі парақшасына видео жариялап, көпшіліктің талқысына түсті, - деп хабарлайды ozgeris.info тілшісі. Бас-аяғы 10 секундтан тұратын видеоның астына: Біз бірге жақсы қоғам құрамыз!, деген сөйлем қалдырған. Алайда бұл қысқа ролик пен бір ауыз сөз арқылы Алматы қаласының Полиция департаменті нені меңзегені желі қолданушылары үшін жұмбақ болып қалғанға ұқсайды. "Халыққа нені көрсеткілеріңіз келді? Қандай мағынасы бар?", "Жақсы жұмыс істейді екенсіздер", "Видео түсіретін басқа фон таппадыңыздар ма? Басқарма гүл қойып жүр, жастары TikTok түсіріп жүр... Бұл не деген жұмысына салғырт қарайтын департамент?", "Космоска ұшып кету керек еді", "Жұмыс істейсіздер ме әлде шегіртке сияқты секіресіздер ме?", "Біздің қызметкерлердің қалай жұмыс істейтіні белгілі болды", "Мыналарыңыз болмады", "Құр мақтанғанша жұмыс істеңіздер!", "Мобилограф жалдайсыңдар-ау", - деп жазды олар. Бүгінде видео 35 мыңға жуық қаралым жинап, оны 130 желі қолданушысы бөлісіп үлгерген.