Семейдегі мектептерге төнген террорлық қауіп туралы хабарламалар жалған – полиция тұрғындарды сабырға шақырды

Чаттар мен мессенджерлерде Семейдегі мектептерде терактілер дайындалып жатқаны туралы ақпарат тарап жатыр, деп хабарлайды Ozgeris.info тілшісі cmn.kz порталына сілтеп. Алайда Абай облысы Полиция департаментінің баспасөз қызметі бұл мәліметтің шындыққа жанаспайтынын мәлімдеді. Құқық қорғаушылардың айтуынша, белгісіз біреулер халық арасында үрей туғызуды көздеуі мүмкін. «Полиция департаменті азаматтарды сабыр сақтап, арандатушылыққа ермеуге және ақпараттың ресми дереккөздеріне ғана сенуге шақырады», – делінген ведомство хабарламасында.