«Семей орманы» өртінде 14 адам қаза тапты: сот үкім шығарды

Бородулиха аудандық сотында «Семей орманы» мемлекеттік табиғи резерватының екі қызметкеріне қатысты қылмыстық іс қаралды. Олар өрт қауіпсіздігі талаптарын бұзып, абайсызда 14 адамның өліміне әкеп соққан деп айыпталды. Сот «Семей орманы» резерваты мен Новошульба филиалында басшылық қызметте болған сотталушылардың орман өрті кезінде өрт сөндіруді ұйымдастыру бойынша өздеріне жүктелген міндеттерді орындамағанын, жағдайды дұрыс бағаламағанын және өрт сөндіру кезінде қауіпсіздік техникасының сақталуын қамтамасыз етпегенін анықтады, бұл 14 адамның өліміне әкелді. В. мен К. кінәсі толық дәлелденді. Сотталушылардың екеуінде де жас балалардың болуы және ауырлататын мән-жайлардың болмауы түріндегі жеңілдететін мән-жайларды ескере отырып, сот В. және К. кінәлі деп танып, оларды әрқайсысына 7 жылға бас бостандығынан айыруға жазалады.