Қазақстанның тағы бір өзенінде су деңгейі өсуде: синоптиктер дауылды ескерту жариялады

Іле өзенінің гидрологиялық бекетінде - Қапшағай ГЭС-інен 164 шақырым биіктікте ҚХР аумағынан ағынның ұлғаюы нәтижесінде су деңгейінің күрт көтерілгені байқалады. Кеше су деңгейі 498 см (сыни деңгейі - 500 см) болды.

«Су деңгейі критикалық деңгейден асқан жағдайда өзендердің жайылмалы учаскелерінде орналасқан елді мекендерді, шаруашылық құрылыстарды және жергілікті маңызы бар жолдарды су басу қаупі сақталады», - деп толықтырды «Қазгидромет» РМК.