«Қателесті»: белгілі тележүргізуші Ләйлә Сұлтанқызы жас кезінде болған оқиғаны айтып берді

Тележүргізуші Ләйлә Сұлтанқызы ұлына аяғы ауыр кездегі басынан өткен оқиғасымен бөлісті, деп хабарлайды Ozgeris.info тілшісі Massaget.kz-ке сілтеме жасап. Бұл туралы әлеуметтік желідегі парақшасында жазған ол УДЗ аппаратының қателескенін айтты.

«УЗИ қателесті. Жансерік пен Аңсаған аңсаған арманына жетті.  Өмірге шекесі торсықтай батыр ұл келді. Бір қызығы, УЗИ қыз деп, ұл босанды. Ондай жағдай өзімнің де басымнан өткен. Сардарды қыз болады деп ойлап едік. Жаратқан қуанышымызды ұзағынан қылсын. Салиқалы, білімді, саналы ұрпақтар қатарынан болғай. Жалғыз біз ғана емес, ондай жағдай болып тұрады ғой», – деді ол.

Сондай-ақ, оның айтуынша, ұлын дүниеге әкелгеніне 3 сағат болғанда әріптестеріне сұхбат берген.