Пакетке орап, ағашқа асып қойған: Өскеменде тұрғындардың зәресін алған не жағдай?

Өскеменде пакетке оралып, ағашқа асылған адамға ұқсас зат тұрғындардың зәресін ұшырды, деп жазады Ozgeris.info. Әлеуметтік желілерде қала көшелеріндегі ағаштардың біріне ілінген, қара түсті пакетке оралған, адамға ұқсас белгісіз заттың суреті тарап кеткен еді. Қаладағы кафелердің бірінің қызметкерлері Хэллоуин мерекесіне орай көшені осылай безендірмек болғандары анықталды. Тұрғындардың зәресін алған “әшекей” кейін алынып тасталды. Сонымен қатар, ерекше идеяның авторлары әкімшілік жауапкершілікке тартылып, оларға 30 АЕК немесе 110 760 теңге айыппұл салынды.