Михаил Шайдоровқа қатысты жайсыз жаңалық шықты

Спорт журналисі Аслан Қаженов мәнерлеп сырғанаудан әлем чемпионатына қатысты маңызды ақпаратпен бөлісті, деп хабарлайды Ozgeris.info сайты.

Оның айтуынша, Халықаралық конькишілер одағы биылғы әлем чемпионатына қатысатын спортшылардың ресми тізімін жариялаған. Беделді жарыс 24–29 наурыз күндері Чехия астанасы Прагада өтеді.

Журналистің мәліметінше, турнирге барлығы 36 спортшы қатысады. Олардың қатарында АҚШ өкілдері Илья Малинин мен Джейсон Браун, жапониялық Кaо Миура, Юма Кагияма, Сун Сато, сондай-ақ грузиялық Ника Егадзе және өзге де мықты спортшылар бар.

Алайда Қаженов ерекше атап өткендей, бұл тізімде Олимпиада чемпионы Михаил Шайдоровтың есімі жоқ.

Қазақстан намысын аталған жарыста Диас Жиренбаев қорғайды.