Маңғыстауда халықаралық деңгейдегі жаңа курорт пайда болуы мүмкін

Kazakh Tourism мен Әзербайжандағы Sea Breeze Resort арасында әріптестік туралы меморандумға қол қойылды. Келісім аясында белгілі кәсіпкер Эмин Агаларов Каспий жағалауында Sea Breeze стиліндегі курорт салу мүмкіндігін қарастыруда деп хабарлайды ozgeris.info сайты Dknews.kz сайтына сілтемемен. Курорт салуға әлеуетті орындар ретінде Кендірлі мен Жылы жағажай аталды. Бұл аумақтар табиғи әлеуеті жоғары және халықаралық туризм үшін тартымды бола алады. Kazakh Tourism өкілі Даниел Сержанұлы Маңғыстау өңірінің инвестициялық мүмкіндіктері мен шетелдік инвесторларға көрсетілетін мемлекеттік қолдау шаралары туралы айтып, серіктестікке дайын екенін білдірді. Жақын күндері Эмин Агаларов Маңғыстауға сапарлап келіп, болашақ курорт үшін орындарды жеке көреді.

«Басты мақсатымыз – екі ел арасындағы туристік ағынды арттыру және осындай курорттық жобаны Қазақстанда жүзеге асыру мүмкіндігін қарастыру», – деді Агаларов.