Илон Масктың анасы қазақ баласының тұсауын кесті

Илон Масктың анасы Мэй Маск Алматыға келіп, қазақстандық баланың тұсауын кесті, деп хабарлайды Ozgeris.info. Мэй Масктың тұсау кескен сәтінің видеосын BeWoman форумының ұйымдастырушы Жанна Кан Instagram-дағы парақшасында бөлісті. Айта кетейік, Мэй Маск бүгін Ортаазиялық әйелдер форумына қатысады. Мэй Маск денсаулық, дұрыс тамақтану, қартаю, гендерлік теңдік, балаларды жалғыз тәрбиелеу, қиындықтарды жеңу және өзіне деген сенімділік тақырыбында әңгіме өрбітеді. Алматыда Орталық Азия елдірінің әйел-көшбасшылары бас қосты. Олар гендерлік теңдік, бейбітшілік, бизнес және бала тәрбиесі мәселелерін талқылап жатыр.