Грузия Парламенті екінші оқылымда шетелдік агенттер туралы заң жобасын қолдады

Грузия Парламенті халық арасында «шетелдік агенттер туралы заң» деп аталатын «Шетелдік ықпалдың ашықтығы туралы» заң жобасын екінші оқылымда қабылдады. Заң нормалары шетелден қаржыландырылатын үкіметтік емес ұйымдар мен БАҚ-ты арнайы тізілімге тіркеуге және жыл сайынғы декларацияны толтыруға міндеттейді. Парламент отырысы билеуші көпшілік пен оппозиция депутаттары арасында өткен түнгі оқиғаға байланысты ауызша конфронтациядан басталды, деп хабарлайды «Грузия Online». «Ұлттық қозғалыстың» көшбасшысы Леван Хабеишвили кешегі митинг кезінде полицейлердің ұрып-соғуына байланысты парламентке мүгедектер арбасымен келді. Ол билеуші көпшілікті заң жобасын кері қайтарып алуға шақырды. Нәтижесінде заң жобасын қабылдауды 83 депутат жақтап, 23 депутат қарсы дауыс берді. Грузия парламенті ғимаратының жанындағы Бостандық алаңында арнайы жасақтар мен су жинағыштар жұмылдырылды. https://youtu.be/PvCXlVmwN_k?si=RmHE3I2rkZyKqemh