Елена Рыбакина «Ролан Гаррос» жарысында сенімді жеңіске жетті

Әйелдердің жеке санатында Қазақстанның бірінші ракеткасы Елена Рыбакина теннистен Францияның Ашық чемпионатында сәтті старт алды. Бірінші раундта қазақстандық спортшының қарсыласы Әйелдер теннис қауымдастығының (WTA) рейтингінде 85-орынды иеленген Бельгия өкілі Грет Миннен болды. Рыбакин-Миннен матчы әлемнің төртінші ракеткасының екі сетте 6:2, 6:3 есебімен сенімді жеңісімен аяқталды. Елена Рыбакинаның келесі қарсыласы голландиялық Аранча Рус пен неміс Анжелика Кербер арасындағы кездесудің жеңімпазы болады.