Елдос Сметов Тоқаевпен бірге Францияға барды

Париж олимпиадасының чемпионы Елдос Сметов президент Қасым-Жомарт Тоқаев бірге Францияға мемлекеттік сапары аясында арнайы шараларға қатысты, деп хабарлайды ozgeris.info. Франция президентінің атынан ұйымдастырылған мемлекеттік қабылдауға Францияның үкімет мүшелері, белгілі саясаткерлер, іскерлік топ, ғылым және дипломатия өкілдері, сондай-ақ екі елдің көрнекті мәдениет және спорт қайраткерлері шақырылды. Оның ішінде Париж олимпиадасының чемпионы Елдос Сметов, Паралимпиаданың екі дүркін чемпионы Давид Дегтяров, Лондон Олимпиадасының чемпионы Александр Винокуров бар. Айта кетейік,  биыл Парижде өткен олимпиада ойындарында Елдос Сметов финалда француз дзюдошысы Лука Мхидземен күресіп, олардың өнерін Эммануэль Макронның өзі келіп тамашалаған еді.