"Бұл күнді ұзақ күткен едім": Әбиба Әбужақынова жантебірентерлік жазба жариялады

Дзюдодан әйелдер арасында 48 келі салмақта татамиге шыққан Әбиба Әбужақынова жүлдеге қол жеткізе алмағаны үшін әлеуметтік желіде жанкүйерлерінен кешірім сұрап, жантебірентерлік жазба арнады, деп хабарлайды Ozgeris.Info.

"Құрметті, Қазақ елі!  Мені қолдап, жүлдесіз қалғаныма қарамастан жылы лебіздеріңізді арнап жатқандарыңызға рахмет! Мен бұл күнді ұзақ күткен едім. Қазақстан әйелдер дзюдосының тарихын жаңартуға бар күшімді салғаныммен, өзім ойлағандай нәтижеге қол жеткізе алмадым... Маған сенген баршаңыздың үміттеріңізді ақтай алмағаным үшін кешірім сұраймын! Мен мұнымен тоқтап қалмаймын! Мықты болып ораламын", - деп жазды ол.

Айта кетелік, Әбужақынова Олимпиада ойындарында алғашқы бестікке енді.