"Бір отбасының 8 мүшесі қаза тапқан": Ердоған көз жасын тыя алмады

Түркия президенті Режеп Тайип Ердоған жұбайымен бірге Болу провинциясында орналасқан Карталкая тау шаңғысы орталығында болған өрт салдарынан қаза тапқандардың жаназасына қатысты. Бір отбасының 8 адамын бірдей жерлеу рәсімінде Ердоған көз жасын жасыра алмады, деп хабарлайды ozgeris.info тілшісі KAZ.NUR.KZ-ке сілтеме жасап. Түркия президентінің ресми сайтында Режеп Тайип Ердоған мен оның жұбайы Эмине Ердоған Болу құрбандарының жаназасына қатысқаны хабарланған. Хабарламада президент сегіз мүшесі бірдей бақилық болған Гюлтекиндер әулетіне барғаны жазылған. Ердоған көз жұмғандардың туыстарына және түрік халқына көңіл айтқан. TRT Haber мәліметінше, Ердоған жаназада көзіне жас алған.

"Президент Ердоған 8 мүшесінен бірдей айырылған Гюлтекиндер әулетінің жаназасында көз жасын тоқтата алмады", - деп жазады басылым.