Бензинді кем құйған: Алматыда “Газпромнефть-Қазақстан” айыппұл арқалады

Тұтынушының шағымы бойынша кәсіпорынға жоспардан тыс тексеріс жүргізіліп, нәтижесінде үш миллион теңге айыппұл салынды. Тексеру барысында №1 отын тарату колонкасынан АИ-95-К4 маркалы бензинді құю кезінде рұқсат етілген шектен асатын ауытқу анықталды.

“20 литр бензинді құю кезінде 100 мл жетіспегені анықталды, бұл стандарттардың бұзылуы болып табылады”, – деп хабарлады Сауда министрлігінің тиісті комитеті.