Башар Асад Мәскеуге ақшаны ұшақпен жөнелткен

Башар Асадтың орталық банкі сириялық диктатор Кремльге әскери қолдау көрсеткені үшін қарыз болған, ал оның туыстары Ресейден активтерді жасырын түрде сатып алған екі жыл ішінде Москваға 250 млн доллар шамасында қолма-қол ақша жөнелтті, деп хабарлайды Ozgeris.info тілшісі Financial Times сайтына сілтеп Асад режимі 2018-2019 жылдары Мәскеудегі Внуково әуежайына 100 доллар және 500 еуро купюраларындағы салмағы екі тоннаға жуық банкноттарды санкциялардағы ресейлік банктерге сақтауға жіберді. Ресей Асадтың қаржысына көп жылдар бойы баспана болып келді. Сирияның мемлекеттік қазынасы соғыспен қиратылғанына қарамастан, Асад пен оның жақындары соңғы 6 жылда қиратылған ел экономикасының маңызды бөліктерін жеке бақылауына алды. 2019 жылы FT басылымы Асадтың үлкен отбасы 2013 жылдан бастап күрделі компаниялар мен несиелік келісімдер жүйесін пайдалана отырып, Мәскеуде кемінде 20 сәнді пәтер сатып алғанын хабарлады.