Ақтөбеде жарылыс болды

Ақтөбе қаласында бір қабатты ғимаратта газ жабдығы жарылып, салдарынан шатыр көтеріліп, өрт тұтанды. Қайғылы оқиға 19 қаңтар күні шамамен сағат 17:45-те тіркелген, деп хабарлайды Оzgeris.info. 

Оқиға орнына екі өрт сөндіру көлігі мен жеті құтқарушы жұмылдырылды. Алдын ала мәлімет бойынша, газ баллонының жарылысы ғимараттың ішінара қирауына әкелген.

Аудандық ауруханаға жасы 30 бен 60 жас аралығындағы бес адам жеткізілді. Олардың біреуі жансақтау бөлімінде, ал төртеуі травматология бөлімінде ем қабылдап жатыр.

Қазіргі уақытта оқиғаның нақты себебі мен барлық мән-жайы анықталып жатыр.