АҚШ-тағы ақтық сапар: Мұхтар Мағауинді жерлеу рәсімі өтті

Мұхтар Мағауин Мэриленд штатында жерленді, деп хабарлайды ozgeris.info тілшісі. Қазақ әдебиетінің көрнекті өкілі Мұхтар Мағауинді соңғы сапарға туған-туыстары мен жақындары шығарып салды. Жерлеу рәсімі жергілікті мешіттердің бірінде өткізіліп, жаназа намазы оқылды. Жазушының туыстарының айтуынша, ол Мэриленд штатындағы Парк Лаун мемориалдық зиратында жер қойнына тапсырылды. 84 жасында өмірден озған халық жазушысы, әдебиет зерттеушісі және тарихи романдар авторы Мұхтар Мағауин 10 қаңтарда қайтыс болды. Соңғы 15 жыл бойы ол АҚШ-та өмір сүрген.