Әлия Назарбаева үшінші күйеуімен де ажырасып кеткен - БАҚ

Әлеуметтік желіде Әлия Назарбаева ресми түрде күйеуімен ажырасып кеткені туралы хабар тарады, - деп хабарлайды ozgeris.info. Nege.Aqsha арнасы экс-президенттің кенже қызы Әлия Назарбаева мен оның күйеуі Димаш Досанов арасындағы сот процесі туралы ресми ақпарат жариялады. Димаш Досанов Қаңтар оқиғасына дейін “ҚазТрансОйл” АҚ-ның бас директоры қызметін атқарған. БАҚ мәліметінше, ол бұл лауазымға Назарбаеваға үйленгеннен кейін көп ұзамай тағайындалған. Арна дерегіне сүйенсек, ерлі-зайыптылардың ажырасқаны және Досановтың бұрынғы әйеліне оралғаны туралы қауесет былтыр тараған. Дереккөздердің мәліметінше, олар некені бұзу және ортақ балаларының тұрғылықты жерін анықтау бойынша сотқа жүгінген. 2024 жылғы қарашада сот шешімі заңды күшіне енген. Сонымен қатар, БАҚ-та Әлия Назарбаеваның бұған дейін үш рет тұрмыста болғаны туралы ақпарат тараған.