«100 млн жұмсаған жобам далада қалды»: Хакерлер Айнұр Тұрсынбаеваның Instagram парақшасын тартып алған

Танымал ақын, коуч Айнұр Тұрсынбаева хакерлердің Instagram парақшасын тартып алғаны туралы айтып берді, деп хабарлайды Malim.kz. Ол 100 миллион теңге жұмсаған жобасының жүзеге аспай қалғанына қынжылған. “Бір сәт! Өмір деген қызық, иә... Арғы күні ғана инстадан жарқырап шығып, ертең керемет хабар айтамын деп отырған едім.. Ертесіне оянсам, инстаграмым жоқ. Хакерлер бұзып тастапты. Үлкен проект бастағанбыз, бүкіл масштабқа шыққан мықтыларды жинағанбыз, 100 миллионнан аса қаржыны жұмсап тастағанбыз. Парақша жоқ. Проект далада қалды. Хакерлерге шықтық. Парақшаны қайтару құны 1-3 миллионның арасында деді. 2013 жылдан бері 4 миллион 1 жүз мың оқырман жиналған екен. Қаншама Аллаға тапсырдым десем де, жүрек құрғыр дүрсілдеп, жылағым келді. Бұл да бір отбасым еді ғой деген қимастық жанымды ауыртқаны рас", – деп жазды ол.