Бүгін Парижден Алматыға ұшып келген Олимпиаданың қола жүлдегері Ғұсман Қырғызбаевқа әуежайдан шыға сала су жаңа қымбат көлік тарту етілді. Темір тұлпарды спортшыға Алматы қаласы Дзюдо федерациясының вице-президенттері өз қаражатына алып берген, деп хабарлайды Ozgeris.Info.
Желіге тараған видеода көргеніміздей, спортшыны құшақ жайып қарсы алып жатқан халықтың қарасы көп. Құрмет-қошеметке бөленген Ғұсман Қырғызбаевты әуежай сыртында қара түсті Toyota Land Cruiser көлігі күтіп тұрды.
Айта кетейік, бүгін Олимпиаданың алтын жүлдегері Елдос Сметов пен қола жүлдегері Ғұсман Қырғызбаев Алматы әуежайына ұшып келді. Ұлттық құрама дзюдошысы Ғұсман Қырғызбаев (66 кг) Париж Олимпиадасында қола медаль жеңіп алған еді.