Жарақат алғандардың арасында екі жүргізуші мен автобус жолаушысы бар. Олар ауруханаға жеткізілді, деп хабарлайды Ozgeris.info.
Ақмола облысы Полиция департаментінің баспасөз қызметінің мәліметінше, Көкшетау қаласында Шанхай деп аталатын Застанционный көпірі маңында № 11 бағыттағы Yutong автобусы мен «ЗИЛ» жүк көлігі соқтығысты.
— Жол-көлік оқиғасының салдарынан екі жүргізуші мен автобус жолаушысы жеңіл жарақат алды. Олар медициналық мекемеге жеткізіліп, тиісті көмек көрсетілгеннен кейін үйлеріне қайтарылды, — деп хабарлады ведомство.
Полиция аталған жол-көлік оқиғасына қатысты тексеру жүргізіп жатыр. Тексеру нәтижесіне сай кінәлі тұлға әкімшілік жауапкершілікке тартылады.
