Адамзат тарихында бұрын-соңды болмаған жаңалық тіркелді. Илон Маск әлемдегі тұңғыш триллионер мәртебесіне жақындады. SpaceX ғарыш компаниясы өз акцияларының бастапқы бағасын бекітті. Әрбір құнды қағаз 135 доллардан сатылымға шығады, деп хабарлайды ozgeris.info сайты.
Бұл қадам кәсіпкердің байлығын еселей түсті. Ол ғарыш компаниясы акцияларының тең жартысына иелік етеді. Бұл тізімге болашақта берілетін құнды қағаздар да кіреді. Жаңа бағамен есептегенде кәсіпкердің бұл жобадағы үлесі 867 миллиард долларға бағаланды. Оған Tesla компаниясындағы дәулетін қосса жалпы құны 1,1 триллион доллардан асады.
Дегенмен осыншама орасан зор байлықты толық иемденудің қатаң шарттары бар. SpaceX ұсынған ірі акциялар топтамасы кәсіпкерге бірден берілмейді. Ол үшін компанияның нарықтағы құнын жоғары биікке көтеру қажет. Басты талаптың бірі Марс ғаламшарында адамзат өмір сүретін тұрақты отар қалыптастыру мақсатымен байланысты.
