Жаңалықтар

Трагедия: Жайыққа бір сыныпта оқыған үш қыз батып кетті

Трагедия: Жайыққа бір сыныпта оқыған үш қыз батып кетті

16.07.2024

355

Бөлісу
БҚО-да үш жасөспірім қыз суға кетіп, қайтыс болды. ТЖ департаментінің баспасөз қызметінен мәлім еткеніндей, қайғылы оқиға 11 шілде күні Ақжайық ауданы Мерген ауылы маңында болған, деп хабарлайды Ozgeris.info.
«Сол күні Жайық өзені жағасынан шомылуға тыйым салынған жерден белгісіз жағдайда жоғалып кеткен үш жасөспірімнің заттары (велосипед, киімдері) табылды. БҚО ТЖ департаменті құтқарушыларының күшімен 2010 және 2011 жылғы қыздардың денесі судан шығарылды. Жасөспірімдерді іздеуге ТЖ, полиция департаменті, жергілікті атқарушы органдар және тұрғындар есебінен 70 адам, 20 техника жұмылдырылды», – деп хабарлады ведомстводан.
Олардың екеуінің денесі сол күні, үшіншісі 12 шілде күні судан табылған. Тұрғындардың сөзіне қарағанда, қыздар бір сыныпта оқыған. 14 шілде күні үшінші қыз жерленді.
Барлық жаңалық