Талдықорғандағы Жетісу ТВ телеарнасында «Жаңа адамдар» қозғалысы туралы сюжет көрсетілді. Бағдарламада қозғалыстың күн сайынғы бастамалары мен жастардың қоғамдағы белсенді рөлі назарға алынды деп мәлімдейді Оzgeris.info.
Сюжетте Талдықорған мен Қазақстанның басқа қалаларындағы кампустардың дамуы, әлеуметтік жобалардан бастап резонансты кейстерге дейінгі жүйелі жұмыстары көрсетілді. Белсенді жастар күн сайын жүздеген адамды біріктіріп, бойларында көшбасшылық қасиеттер мен заманауи патриотизмнің жаңа формасын дамытып келеді.
Қозғалыс ел бойынша 19 қаладан мыңдаған жастарды біріктіріп, әрқайсысы өз бастамасын жүзеге асыруға үлес қосып отыр. Кампустар белсенділерге өз елінің, қаласының және қоғамының дамуына жауапкершілік алуды үйретеді, ал «адал азамат» концепциясы осы мәдениеттің негізін құрайды.
Сонымен қатар эфирде қозғалыстың 124 азаматтық науқаны туралы да айтылды. Бастапқыда шағын топтан басталған бұл бастама бүгінде кең қолдауға ие болып, балалардың қауіпсіздігі, немқұрайлылыққа қарсы мәдениет қалыптастыру сияқты нақты өзгерістерге бағытталып отыр.
Қозғалыс жастарға адал әрі заманауи патриотизм, еңбекқорлық және өзгерістерге дайын болу құндылықтарын насихаттайды.
