Шымкент қаласында МОО «Дала Қырандары» жастар қоғамдық бірлестігінің жаңа қалалық штабы өз жұмысын бастауға дайын деп жазады Оzgeris.info.Жаңа орталық Мадели Қожа көшесі, 46 мекенжайында орналасады және бір жылға жуық уақыт бойы өңірде белсенділік танытып келе жатқан қозғалыстың негізгі тірек пунктіне айналмақ.
Ұйым өкілдерінің айтуынша, штаб «қырандардың үйі» ретінде жасақталған. Қыран ұйымның құндылықтарын ұстанып, азаматтық бастамаларға белсене қатысатын, қаласына және еліне үлес қосуды мақсат еткен жас буын өкілі.
Жаңа кеңістікте лекторий, жобалық топтарға арналған коворкинг аймақтары, медиа контент әзірлеуге және коммуникациялық бастамалар жүргізуге қажетті арнайы бөлмелер қарастырылған. Бұл алаң жастардың білімін кеңейтіп, дағдыларын дамытуына, сондай-ақ өз идеяларын жүзеге асыруына мүмкіндік береді.
Штабтың ресми ашылуы алдағы күндері өтеді. Мұнда түрлі кездесулер, оқыту бағдарламалары, тренингтер және қала жастарының азаматтық белсенділігін арттыруға бағытталған іс-шаралар ұйымдастырылмақ.
Ұйым өкілдері жаңа орталықтың Шымкент жастары үшін бастамалар мен әлеуметтік жобаларды дамытудың маңызды платформасына айналатынына сенімді.
