Сәтпаевта ер адам подъезде қызды сүйреп әкетіп, зорламақ болған

Сәтпаевта ер адамның подъезде қызға шабуыл жасаған сәті видеоға түсіп қалды, деп хабарлайды ozgeris.info сайты. Видеодан қыздың подъезге кіріп, пәтеріне беттеп бара жатқанына көруге болдаы. Ол соғынан ер адамның ілесе кіргенін байқамаған болса керек. Ер адам қыздың басынан ұстап, аузын қолымен жауып, баспалдақтың астына сүйреп әкетті. Бірде қыздың жанұшыра шыңғырған даусы естілді. Қыз онымен арпалысып жатқанда ер адам подъезден қашып шығып кетті. Көп ұзамай қызға бірінші қабатта тұратын әйел көмекке келді. Жәбірленушінің сөзінен кейін ол ер адамның соңынан іле-шала сыртқа шықты. Белгілі болғандай, ер адам қызды зорламақ болған. Болған жағдайға қатысты Ұлытау облысының полицейлері түсініктеме берді. Полицияның мәліметінше, олар күдіктіні ізін суытпай ұстаған.

“Сәтбаев қаласы полиция бөлімімен қылмыстық іс қозғалды. Полиция қызметкерлері жедел іздестіру шаралары барысында, күдіктіні анықтап, ұстады. Қазіргі уақытта күдікті уақытша ұстау изоляторына қамауға алынды. Тергеу жүргізіліп жатыр”, – деп мәлімдеді полиция.