Рубль құлдырады: теңгеге қалай әсер етеді? Қаржыгерлердің пікірі

Кеше Трамп бірнеше елден келетін импортқа сауда баждарын енгізетінін жариялағаннан кейін, доллар индексі күрт өсті. Бұл әлемдік валюталардың, соның ішінде теңге мен рубльдің әлсіреуіне әкелді. Ресей Орталық банкінің мәліметінше, доллар бағамы 2,13 рубльге өсіп, 99,94 рубльге жетті. Бір күн бұрын ол 97,81 рубль болған. Еуро да қымбаттады – 0,36 рубльге өсіп, 102,49 рубльге жетті (3 ақпанда – 102,13 рубль). Қаржыгер Богдан Зваричтің айтуынша, Ресейдегі доллар мен еуроның ресми бағамы банктердің есептік деректері мен цифрлық биржадан тыс платформалар негізінде есептеледі.