Криштиану Роналду Португалия құрамасының орналасқан жерінен кетіп, Мадридке ұшып кетті. Бұл шешім бас бапкер Жоржи Жезуштің Данияға қарсы матчта оны негізгі құрамға шығармайтынын айтқаннан кейін қабылданғаны хабарланды, деп хабарлайды Ozgeris.info.
Жанжал Норвегияға қарсы ойында Роналдудың 90 минут бойы қосалқы құрамда отыруынан кейін басталған. Осыдан соң футболшы Копенгагендегі бірнеше жаттығуға қатыспаған.
Жезуш Роналдумен ешқандай жанжал болмағанын айтып, ойыншының демалыс жоспарына сәйкес жаттығуға шықпағанын түсіндірді. Алайда португалиялық футболшы бас бапкердің мәлімдемесінен кейін құрамадан кету туралы шешім қабылдаған.
Роналду әлеуметтік желідегі жазбасында бұл шешімнің себебін кейін толық түсіндіретінін айтты.
41 жастағы Роналдудың Португалия құрамасындағы көрсеткіші – 234 матч, 146 гол. Бұл – халықаралық футболдағы рекордтық көрсеткіш.
