Арменияның Мемлекеттік протокол қызметінің басшысы Гагик Ваноян Қырғызстан президенті Садыр Жапаровтың Ереванға сапары кезінде болған хаттамалық қателіктен кейін қызметінен босатылды. Бұл туралы «Жоховурд» газеті хабарлады.
Басылымның мәліметінше, COP-17 климаттық саммиті аясында баспасөз өкілдерімен кездескен кезде Армения премьер-министрі Никол Пашинян Қырғызстан басшысын бірнеше рет қателесіп, «Қазақстан президенті» деп таныстырған.
Дереккөздердің хабарлауынша, қателік үкімет басшысына арнап дайындалған сөз мәтініндегі баспадан кеткен қатеге байланысты болған.
Ресми іс-шара аяқталған соң Пашинян болған жағдайға қатты наразылық білдірген. Осы оқиғадан кейін 2022 жылдың желтоқсанынан бері Мемлекеттік протокол қызметін басқарған Гагик Ваноянды қызметінен босату туралы шешім қабылданған.
