Танымал спортшы Қуат Хамитов жақында өзінің алғашқы фильмін түсіретінін өзінің “Instagram” парақшасында мәлімдеді деп хабарлайды ozgeris.info сайты Turkystan.kz сайтына сілтемемен.
Спортшының айтуынша, бұл жоба — оның көптен бергі арманы екен.
«Сценарийді өзім жаздым, актерлерді де өзім таңдаймын. Барлық шығынды өз қалтамнан өтеймін. Бұл мен үшін жай ғана тәжірибе емес — қазақ киносына жаңа тыныс беретін туынды болмақ», – деп жазды Хамитов әлеуметтік желідегі парақшасында.
Пост астына пікір қалдырған желі қолданушылары оны құттықтап,оған танымал волейболшы Сабина Алтынбекованы басты рөлге шақыруды ұсынған.
«Керемет идея! Сабина, қалай қарайсың?» – деп жауап қатқан Қуат Хамитов, алайда спортшы қыз әзірге үн қатпаған.
Қуат Хамитовтың айтуынша, түсірілім жұмыстары келесі жылы басталмақ.
