Қазақстандық хоккейші қыздар Азиадада екінші жеңісіне жетті

Қазақстан әйелдер құрамасы 2025 жылғы Азия ойындарының топтық кезеңінде қатарынан екінші жеңісіне қол жеткізді. Бұл туралы ҚР ҰОК хабарлады. Харбинде (Қытай) өткен матчта қазақстандық хоккейшілер Таиланд құрамасын 9:0 есебімен ойсырата жеңді. Ойынның басты қаһарманы София Зубкова болды – ол қарсылас қақпасына төрт шайба соқты. Сонымен қатар, Анастасия Оразбаева, Надежда Филимонова, Мунира Саяхатқызы, Александра Шегай және Анна Пяткова да бір-бірден гол салды. Бұл сенімді жеңіс Қазақстан құрамасына екі турдан кейін алты ұпай жинауға мүмкіндік берді. Бұған дейін отандық хоккейші қыздар Гонконг құрамасын да жеңген еді.