ҚР Президенті Қасым-Жомарт Тоқаев Армения Премьер-министрі Никол Пашинянды Қазақстанның ең жоғары мемлекеттік наградасы – «Алтын Қыран» орденімен марапаттады деп хабарлайды Оzgeris.infoисайты Ақордаға сілтемемен. Салтанатты шара Ақордада өтті.
Шара барысында Президент Тоқаев Пашинянды Арменияның шынайы ұлттық көшбасшысы деп атады. Оның айтуынша, Премьер-министр елдің дамуына жаңа серпін беріп, мемлекеттік құрылымның барлық саласында реформаларды іске асырған.
«Сіздің басшылығыңызбен Армения тұрақты даму жолына шықты, халықаралық аренада беделін нығайтты. Күрделі геосаяси жағдайда Сіз қабылдаған батыл шешімдер армян халқына үлкен пайда әкеледі. Сонымен қатар, Армения мен Әзірбайжан арасындағы бейбіт процесті дамытудағы рөліңіз ерекше», – деді Тоқаев.
Қазақстан Президенті қазақ-армян қатынастарының стратегиялық серіктестік деңгейіне көтерілгенін және екі ел арасындағы ынтымақтастықты одан әрі дамыту маңызды екенін атап өтті.
Өз сөзінде Тоқаев Пашинянның екіжақты қарым-қатынастар мен өңірлік ынтымақтастықты дамытуға қосқан ерекше үлесін атап, оны «Алтын Қыран» орденімен марапаттауға шешім қабылдағанын мәлімдеді.
Марапат алған Армения Премьер-министрі Никол Пашинян Қасым-Жомарт Тоқаевқа және қазақ халқына алғысын білдіріп, оны армян халқына деген құрмет белгісі ретінде қабылдайтынын айтты.
«Бұл сыйлық екіжақты қатынастардың әрі қарай дамуына үлес қосады», – деді ол.
