Қатерлі ісікке алып келеді. Аптап ыстықта «ыстақ шәй» ішу зиян ба?

Қазақ қашаннан қара шайға құмар. Қытымыр қыста денесін жылытып, аптап ыстықта тер шығарғанды ұнатады. Алайда, шайқорлықтың соңы айықпас дертке әкеліп соғуы мүмкін. Ozgeris.info қара шайдан келер қауіпті зерттеп көрді. Елімізге жылына 20 дан астам мемлекеттен 25-30 мың тонна шай кіреді. Бұл қатарда Кения, Үндістан және Қытай көш бастап тұр. Еліміздегі кейбір салт дәстүрлерді де шаймен байланыстырып қойған. Қала берді отандық өнер жұлдыздары да шай шығаруға құмар. Қаптамасы ғана көз тартады демесең, шикізаты шетелден. Қайта-қайта қайнатылған шайді ішуге болмайды! Шайдың пайдасы да жоқ емес. Көк шай қан қысымын түсірсе, қызыл шайдә С дәрумені бар. Дегенмен қайта-қайта қайнатылған шайды мүлдем ішуге болмайды. Өйткені оның ішінде «фенол» химиялық заттар пайда болуы мүмкін. Ол анкологиялық процестерге алып келуі мүмкін. Ыстық шайдан келетін қауіп қандай?

«Қатты ыстық қайнатылған шайды күнделікті тұтыну созылмалы күйіктерге алып келуі мүмкін. Ол ауыз қуысы ішінде, өңеш және асқазанның ең жоғарғы бөліктерінде. Одан тыртықтар пайда болуы ықтимал. Тіптен, қатерлі ісікті тудыртуы мүмкін. Әсіресе Батыс Қазақстан облысында салт-дәстүр бойынша шәйді қатты қайнатқандықтан мұндай жағдайлар жиі болады», - дейді Қазақ онкология және радиология ғылыми-зерттеу институты төрағасының орынбасары Бақытжан Оңғарбаев.

Мамандар мұның алдын алу үшін екі-үш мәрте қайнатылған шәйді ішпеуге шақырады.