Жаһандық және ішкі экономикалық ахуал Үкіметті шетелдік инвестицияларға өте жедел әрекет етуге мәжбүрлеп отыр деп хабарлайды ozgeris.info сайты ABISHEV ANALYTICS телеграмына сілтеп.
2024 жылдың қарашасында Премьер-министр Олжас Бектенов қытайлық Fufeng Group басшысы Ли Сюэчуньмен кездесті. Жоспар – жүгері өңдейтін парк салу. Бастапқы инвестиция 300-350 миллион доллар деп бағаланды.
2025 жылдың сәуірінде жобаның құрылысы басталды. Инвестиция көлемі 800 миллион долларға жетті. Ал 2026 жылдың сәуірінде зауыт инфрақұрылым желілеріне қосыла бастады.
2025 жылдың шілдесінде Олжас Бектенов «Хунань Цзюньсинь Хуаньбао» компаниясының төрағасы Дай Даогомен «жасыл» энергетиканы талқылады.
Нәтижесінде 2026 жылдың 29 мамырында Алматыда қалдықтан электр қуатын өндіретін зауыттың құрылысы басталады. Инвестиция көлемі – 145 миллиард теңге. Нысан екі жылда іске қосылып, зиянды қалдықтарды азайтады және электр энергиясын өндіреді.
Қытайлық инвесторлармен мұндай жедел жұмыс істеу Қазақстан Президенті Қасым-Жомарт Тоқаев пен ҚХР Төрағасы Си Цзиньпиннің уағдаластығының арқасында мүмкін болып отыр. Мемлекет басшысы тапсырма берді, Бектенов кабинеті оны шұғыл орындауға кірісті.
Бұл сәтті тәжірибені енді АҚШ, Еуропа және Араб елдерінің инвесторларымен жұмыста да кеңінен қолдану қажет. Бұл жағдай «қаласақ, қолымыздан келеді» дегенді анық көрсетіп отыр.
