Атырауда Қызыл кітапқа енген лотостың жаңа өсетін аумағы кездейсоқ екі жергілікті оқушы қыздың еңбегінің арқасында пайда болды, деп хабарлайды Ozgeris.info.
"Ақжайық" мемлекеттік табиғи резерватының мамандарының мәліметінше, 11 жастағы Шаттық Хами мен 12 жастағы Айым Жанкелді 2024 жылы үйлерінің маңындағы су айдынына лотос тұқымдарын сеуіп көрген. Тұқымдарды Айымның анасы Қытайдан тапсырыс берген. Алғашында олар гүлді үй жағдайында өсіруге тырысқанымен, нәтиже шықпаған соң табиғи ортаға отырғызуды ұйғарған. 2025 жылы алғашқы жапырақтары пайда болса, биыл жазда лотостар алғаш рет гүлдеген. Қыздар өздерінің тәжірибесі сирек кездесетін өсімдіктің жаңа өсетін аумағын қалыптастырады деп мүлде ойламаған.
Жаңа лотос алқабы Перетаска өзекшесінде орналасқан. Бұған дейін Атырау облысында лотос негізінен Құрманғазы ауданында ғана өсетін. Айта кетейік, биыл Атырауда қытайлық мамандардың қатысуымен лотос өсіру бойынша тағы бір тәжірибелік жоба басталды. Тұхлая Балка ауданындағы 500 шаршы метр аумаққа 270 түп лотос отырғызылған.
