Павлодар облысында бірнеше балабақша тәрбиеленушісі ауруханаға жеткізілді, деп хабарлайды Оzgeris.info сайты КазТАГ сайтына сілтемемен.
Білім басқармасының мәліметінше, Шарбақты ауданына қарасты «Балдаурен» ясли-бақшасының үш тәрбиеленушісі облыстық инфекциялық ауруханаға жатқызылған. Тағы төрт бала үй жағдайында дәрігерлердің бақылауына алынған.
Оқиғаға байланысты Шарбақты аудандық санитарлық-эпидемиологиялық бақылау басқармасы тексеріс бастады. Санитар мамандар қажетті зертханалық сынамалар алып, тиісті зерттеулер жүргізген.
Ресми ақпарат тексеріс нәтижелері шыққаннан кейін жарияланады.
