Париж-2024: Қазақстандық дзюдошы қыз алғашқы жекпе-жегінде жеңілді

Қазақстандық дзюдошы Камила Берліқаш Париж Олимпиадасының 1/8 финалына өте алмады, деп хабарлайды Ozgeris.Info. Аса ауыр салмақта, 78+ кг салмақ дәрежесінде сынға түсіп жатқан Камила Берліқаш Париж татамиіндегі алғашқы белдесуін моңғолиялық Амарсайханға қарсы өткізді. Айта кетейік, Олимпиаданың бірінші күнінде Елдос Сметов (60 кг) алтын жүлде еншілесе, келесі күні тағы бір татами шебері Ғұсман Қырғызбаев (66 кг) қола жүлдеге қол жеткізген болатын. Ал әйелдер арасында Әбиба Әбужақынова (48 кг) қола жүлдеге таласта қарсыласына жол берді. Эсмигүл Куюлова (63 кг) бірінші белдесуде сүрінді.