Бүгінде қоғамда жаңа жыл алдында "Құпия Санта" ойыны кеңінен танымал. Аталған ойынды ойнауға қатысты Қазақстан мұсылмандары діни басқармасы пікір білдірді, деп жазады CMN.kz.
Сондай-ақ ҚМДБ жаңа жылдың діни мереке емес екенін еске салды. Алайда егер оны тек жылдың басталуы ретінде қабылдап, бұл уақытты ізгі істерге, өзара дұға-тілектерге және адамдарға ақжарма тілектер арнауға арнаса, онда мұнда айыптарлық ештеңе жоқ.
"Ал егер мерекелеу ішімдік ішу, ерлер мен әйелдердің еркін араласуы және шариғатта тыйым салынған өзге де әрекеттермен қатар жүрсе, бұл жол берілмейді", – деп ескертті ҚМДБ.
